ديوان ...ابن جدلان

السلام عليكم ورحمة الله وبركاته




يحضر العملاق لـ تتضح صورة الشعر الحقيقي فهو من القلة الذين يجيدونه !!


ديوان الشاعر : (( سعد بن جدلان )) !!


(( ياوليفي )) !!






ياوليفـي دمعكـم فـي غيابـي ردّ لـي
وأدري انّ دمعتك خوفٍ عليّ ومن غلاي
أنت ممرضني وأشوف المرض فيكم وفيّ
الهبوب البارده منّك هبّت فـي حشـاي
والله انّ كبدي عليكم عراويهـا أضمـيّ
والمشارب غير هرجتك ماتقطع ضمـاي
كيف تستغرب بطاي ومجييّ يوم أجـيّ
منك اجيك أبدون رأيٍ وأروح ابدون رأي
ليلي أسهر به والا جاء النهار أشلى شوّي
مـرتٍ أشلـى ومـرٍ يعاودنـي بـلاي
وأنت سبّة كلّ شـي ولا داويـت شـيّ
كيف ياقـادر علـى داي ماتقـدر دواي
بعد مـا شتتـوّ الفكـر وأخليتـو يـديّ
كثرت أعلوم الشماميت وأفرحتو عـداي
مابعد جاني من يوم التقـو بـي والـديّ
ولابعد مرّ المحبين مـنّ حـوّاء وجـاي
لوّ خبر به حيّ يبكي على فقـدان حـيّ
كان يمدي من عرفني يشاركني عـزاي
جعل يسقى يوم كان الهوى ماغير غـيّ
فأول الرحلـه مثـل مبتـداك ومبتـداي


(( مل قلب )) !!





مل قلبٍ من هوى الخدرات عيّـا
باقيّ له مـن هـو خلّـه بقايـا
لابغيت أسجّ من سمـح المحيّـا
شفت من وصفه على غيره حلايا
فز قلبي وانتبـه عقـب النسيّـا
وانحرف فكري وجارن الكوايـا
راح يشرفني على نـور الثريّـا
لين وردني على حوض المنايـا
وانّ بغيت أجيه وصلـه ماتهيّـا
صارو العربان من دونه حمايـا
ياوليفـي لاتسويـبـي كـذيّـا
الخطايـا لاتلحقـهـا خطـايـا
مايبور بصاحبـه عقـب البغيّـا
كـود نـاسٍ مالهـا بالله عنايـا
كلّ شـيٍ أعملـه كـود الجفيّـا
الجفا يزعـل وسيعيـن النهايـا





(( ياعيون )) !!





ياعيون اللي على المرقب تعـلاّ
مايرب الا المراقيـب الطـوالا
طرتّك منها غثاء البـال يتجـلاّ
نعـسٍ مابينهـا بيـضٍ تـلالا
تذهل إلّي في جواهرهـا تحـلاّ
واهني من ذاق من ريقـك زلالا
لا وجاه الله ومنّ زكّـى وصـلاّ
مانبيك الاّ على السنّـه حـلالا
مايرّد الجوع شخبٍ فـي المفـلاّ
ولا يخضّ السعن من ذوده هجالا
أنت غالـي ياوليفـي لا تغـلاّ
يثبت الليّ بيننـا ايـامٍ طـوالا
واللهّ انّي ميسٍ مـن وصلـك الاّ
فزعةٍ من ربنـا جـلّ وتعـالا
أدخل الضولات من شان أتسـلاّ
كود جرح القلب يبرى ويتشـالا
والمجنّب مـن الأوادم مايخـلاّ
لاسلم من شرّ ذولا ..جـوه ذولا


(( عيون الوحش )) !!





ويش أسوي ياعيون الوحش عنق الغزال
لاحصل طاريك يفتح على قلبـي أرواق
لي ثلاث سنين بين الحقيقـه والخيـال
وأخر اشهر ذالسنّه تكمل الرابع غـلاق
شبه وضحاّ فالمخاضير زاويها الحيـال
من غلاها عند أهلها تبـارى ماتسـاق
تيهّت من صغرها بيـن ثنتيـنٍ هجـال
مهتويها راعيّ البل وعاشقهـا عشـاق
عنديّ إنّك ماخذٍ تـاج ربّـات الجمـال
سلموّك الحسن من باب صنعاء للعـراق


(( البشاير )) !!





ياعيون مرقـبٍ فعـل الجدايـر
في صعانين الطوال المستديـره
صاحبك يعطي على شوفك بشاير
ديرةٍ منتو بهـا ماهـي بديـره
من خذا منكم خفيّـات السرايـر
والله انّ يبطي ولعكم في ضميره
لبـةٍ بيـن المعنّـق والزرايـر
مثل شمس الصبح قدّام السفيـره
ويتفرشها من الخمـري ستايـر
ذيل شقراّ شعشعت قدم المغيـره
جوهرة قارون غاليـة التجايـر
أشهد انّك بهجة العمـر الكبيـره
واحدٍ حضّك مع حضّـه يسايـر
شايفٍ القدر فالعشـر الأخيـره
جعل أبو من لامني حمر المناير
في محبّة واحـدٍ مالـي بغيـره

(( يقاويك بن جدلان )) !!






الا واعيون موحـشِ مابعـد لـزم
عدا كلّ صقـارٍ بشبكـه ولا لزمـه
على القلب نارٍ ولعّت في قرى حزم
وحطوّ عليها من دقاق الحطب حزمه
يقاويك بن جدلان فالصبر والعـزم
لكن حبّك الصافي تغلّب على عزمه
تراني دخيلك ياوليفي مـن الهـزم
تموت الغزو ولا يقولـون منهزمـه


(( الحال من فرقاك )) !!





ياإليّ ليا جيت شيٍ تكمل أوصافـه
وإلّي بلا أياك ماتهـواه الأخلاقـي
ترى صوابي لجا وابطيت بسعافـه
يامنجّح الكيّ لاتلحق على الباقـي
عامين والحال من فرقـاك ملاّفـه
لوف أشهب الال عشبٍ نبته أدقاقي
كمّ ليلةٍ من سببـك العيـن ذرّافـه
من غيبة الشمس لين الصبح ينساقي
ياعين حرٍ على العسرات مشرافـه
عيطٍ لحاليحها تصعب على الراقي
والعنق عنق أدميّ عـاود لميلافـه
متذيّرٍ عقب ما أروّح ريـح تفّاقـي
مالك من الجسم غير المتن وأردافه
زاويه خصرٍ عليه الشبـر متلاقـي
لفيتني لـفّ سيـرٍ فـوق حذاّفـه
وصرفتني من هوى تلعات الأعناقي
فأدخل على امّك وأبوك من التزلافه
تبتنّي بالعـذاب وتقطـع أرزاقـي
البرق لجا المشعّـف زوّد أشعافـه
وأنا مشعّف غرامك وأنت برّاقـي



(( عروق الحشا )) !!





ياتلّ قلبـي تـلّ غـربٍ ربـع سانيـه
ماعيّن منه غير العراقي براس أرشـاه
على أبو دليقٍ فوق دمث النحـر كاسيـه
حمار وبياضٍ يشبه النـوّ مـن منشـاه
أتشعشع أخلـوم البـدر لافرقّـه بيديـه
يشادي الضباب اليا تعدى القمر غطّـاه
على عود موزٍ جاريّ الما مـع ساقيـه
وزدٍ علـى زمّـة نباتـه قـراحٍ مـاه
الا واعيون الليّ كشـف برقـه راعيـه
يتلّ السبوق وقـام راع الولـع يشعـاه
الا يارسولـي بلغّـه ماقـدرت أجـيـه
سلملي عليـه وخـذّ سلامـه وعطنيـاه
لاقالـو تحبّـه قلـت ماعادنـي بأبيـه
وأنا أشفق له أشفا من سقيم المرض لدواه
أقويّ عزومي كـنّ معـاد عنـدي فيـه
وأنا والله انّـي مونـسٍ البـلا وأكنـاه
عروق الحشى ماتنبت الاّ على طاريـه
تنامى على قربه وتهجـر علـى فرقـاه
فترى من يعذل مولعٍ من هـوى غاليـه
مثل من يحاول يعدل السيل من منحـاه
فأنا شفت ناسٍ صلحوّ فالهـوى تشويـه
لا عيّن وليفه مخلصٍ كـلّ يـومٍ جـاه
لوّ انّ الهوى ذالنوع محـدٍ تعـذّب فيـه
الكل أهتنى فالحبّ حتى الطلـي والشـاه






(( الجهاله )) !!






الجهاله في بنـي آدم توليـه الـد بـور
لـو طريقـه غـادي يحسبنـه متـجـه
يحسب ان ما مثل شوره مع الاشوار شور
ما يعرف أن له مزاج وللنـاس أمزجـه
يمكن ايلاقـي مـزاج يبتدلـه الشعـور
وهو على فلم الشطـارة وفلـم الدبلجـه
وآخر المشوار لا حصلت ما في الصدور
كل زور فيه شور لمـن ضـاق هرجـه
يحسب أن معه أفضليـه توليـه العبـور
ان لقا الملح أزعقه وان لقا الحلو أسمجـه
القمر والشمس كنها تسلـف منـه نـور
والحبال تصير تحتـه خيـول مسرجـه
والسما عجزت تصل له جناحين الطيـور
مـا وصلـه إلا محمـد بليلـه معرجـه
يـا بنـادم يلعـن الله مختـال فـخـور
من تواضع تحـت ربـه يعليـه درجـه
لأجل ما تدخل جهنم على شأن الغـرور
للعرب حاول تواضـع وتعطيهـم وجـه
من لقا عذب المشارب ومثمرة الزهـور
ما قعد يغرف من البحر ويسوق أحدجـه

(( الطيب )) !!






ودّنا بالطيب بس الدهر جحّـاد طيـب
كل ماتخلص مع الناس كنـك تغشهـا
يدك لامدت وفا لاتحـرى وش تجيـب
كان جاتك سالمه حب يـدك وخشهـا
كل ماشبيت نار المحّبـه مـع حبيـب
قام يسحب فـي مشاهيبهـا ويرشهـا
كل ماواجهت لك في الزمن وجه غريب
مثل ما قال المثـل دام تمشـي مشهـا
وذمةٍ ماهيب تنـدان للحـق المصيـب
جعل قشاش الحطب لاسَـرح يقتشهـا