الذيب والشاعر

يازين وينك وين دارك وأنا وين**وين العوي ياذيب صوتك عشقناه
جره وانا بهديك من القلب بيتين** نذكر بها ياذيب خلن فقدناه
أبذكر الخافي وماشافت العين**واللي جري للقلب من جور دنياه
وأجاورك بالحال حزن وعناوين**لين الدموع تفيض الهم نجلاه
الذيب لويشكي شكي هم ثنتين**أما بلاه الجوع أو قارصن جاه
لا واهنيه يووووم يرقي الجبل لين** ياصل طويل ويزعج الصوت بعواه
مير البلا من هو هموم ملاين** لوينجلي مليون مليون يتلاه
الهم في صدري كتب له دواوين** وما ينكتب يصعب علي القلب ينساه
او اشتكي همي لقاضي المساجين**فك الجميع ومؤبد السجن نجاه

الف شكر مساعد طيار وصح لسانك