للمرحوم بإذن الله الشيخ والشاعر/ناصر بن عوضة المسلمي

عدد المساهمات : 12 تاريخ التسجيل : 25/11/2010

]بسم الله الرحمن الرحيم
((مية رابعة))
يالله يا مجري هبوب النشانيش**يا من تعلا فوق محد ينوشه
افرج لمن تجهش علية الجواهيش**يجهش على جاشة هجوس جهوشه
تدك بة دكت ركاب الطواريش**طروش الربيع اللي تخالف طروشه
الصبح قلبي ينطشن بة نواطيش**واشوي سقى الله النهارونطوشه
مير البلا فالليل ترده معاطيش**للورد غوشةوالصواديرغوشه
تقبل علي كن من وراهاحواويش**من كثرها كنها علي محيوشه
وليا بغيت انسى واقول السبب ويش**ذكرت ناس من الزمان مغشوشه
ذكرت وقت واقف للمداغيش**وساع الصدور اهل الوجية البشوشه
يلحهم لح المناكيف للجيش**ويفزع عليهم كل يوم بهوشه
خلا وسيعين النهايا دراويش**وقلل عزايمهم بحذفه وروشه
خلاهم اشرد من طيور الخفافيش**وقلوبهم من كل صوب مخروشه
من يوم شاخ عويروصوير وطميش**وعفيش شاخ وشيختة من قروشه
هيئة رجال كاسيتها الدشاديش**لوتدعي با الطيب صعب تنوشه
كانوا من اول للرحايل حشاحيش**واليوم كل منهم احتازبوشه
وانا يوم اقولة ناحشتني نواحيش**وروابع خلني انداش دوشه
مرة يجي معي انفعالات واطيش**وتسعين مرة عاقل بدون طوشه
وتسع تعديني على شرفة الحوش**لين اطلع في بينة ومخشوشه
واحتار في تصريف ما شفت بشويش**واقف على مفرق خطوط مغطوشه
اما صبرت لواحد خبل وخديش**وولج علية وبتلشني بلوشه
ولا انجبرت ورحت من ليش في ليش**وكلن يقول فلان وشبة ولوشه
ولا انجبرت اهمش العلم تهميش**وجنية جورج الثاني امسح نقوشه
خدعني الوقت الهوج بابرق الريش**كنة صقر حتى انتهاضة وشوشه
وغبشت بة قدام وقت المغابيش**ابغى الخلا بعتاش به من حوشه
وثره مثل طير ابن برمان خرفيش**اغبر من غبار الخباره رموشه
وانكفت مالي بالصقاره معاويش**السيف خير من الصقور الحشوشه
ودتني القدره لسوق الحنانيش**قالو هذي حنشا وذيك محنوشه
وسوء البخت مانا شلي غير مانيش**ولالي وراء ماناشة الحظ نوشه
وقررت ادش البحر ضمن الدواشيش**اعوم والا يا كلني قروشه
والاجل ماتسبق عليه المخاميش**لو كان بسهوم المنايا تهوشه
حتى إيش لامن مات في عز حتى إيش**يحيى النبا والقوش له من يقوشه
شهيد ما يبغا حنوط وترويش**العز قبرة والشجاعة رشوشه
اخير من طولة حياة بتشويش**يحسب راعيها دبش من دبوشه
لوكانت كنوزة تعبي مية خيش**العار تاجة والردا املا عفوشه
تمت وصلى الله على صفوة قريش**عدة نشانيش الهبوب النشوشه

عدد المساهمات : 159 تاريخ التسجيل : 03/11/2010

شيخ وشاعر جزل الله يرحمه وشكراًلك يابن ذويخ

Admin عدد المساهمات : 143 تاريخ التسجيل : 20/11/2010

الاخ ابن ذويخ شكراً على هذه الرائعه.... تقبل مروري وتعديلي

عدد المساهمات : 1 تاريخ التسجيل : 20/12/2010

السلام عليكم ورحمة الله وبركاته ..........
أولأ / أهنئكم بالمنتدى الأكثر من رائع وإلى الأمام ,,,,,,,,,,,,,,,,,
ثانيأ / رحم الله الشيخ والشاعر المعروف .... ناصر بن عوضه الغامدي ....
وأتمنى طرح المزيد من قصائده ......

» الشيخ الشاعر ناصر بن عوضة رحمه الله
» مجاراه بين الشاعر عايض بن زايد المسلمي والشاعر ناصر بن خربوش القنيزعي
» الذيب والشاعر
» أم المؤمنين عائشة رضي الله عنها.
» طرائف من حياة الشيخ بن اعثمين